ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
邊個最大使?
研究屪鉽茯P座最大使,邊個洗腳唔抹腳,整濕晒個地,小心跣親人之餘,自己又搞到扑起到,咁就真係唔係幾好喇!

第一位:雙魚座
通常浪漫都係用錢包裝,以雙魚人一向浪漫又唔化的性格,你話點會唔係最無錢剩?最慘還是他們是完美主義派,甚麼都要靚,甚麼都最精彩,就算貼錢給公司都會勢死奉陪,講多次,你話點會有錢剩?

第二位:雙子座
一向有先知先覺,永遠都想成為潮流尖端的他,講到尾無錢使都全因為要追上潮流,呢頭買完件衫,那邊便要買條像樣褲來玩個絕襯,你話搵幾多先夠你扮明星扮大佬?好自為之!

第三位:人馬座
你咁天空海闊任開朗,又鍾意自由自在,最好就係有咁多洗咁多,最多洗完又再搵,有何關係?有時人馬人都幾好逸待勞,唔係好願去搵錢,總係覺得天生天養咪幾開心!幾開心!無錢用,反而佢掉番轉問你,我又咩問題先?

第四位:獅子座
獅子人唔使問,錢一定洗於買名牌,買靚衫,買好多令自己變得好似好高貴的物件上!他們靠的心態是:你吹呀!我搵到呀!係咯,你巴閉!但其實都屬於一種病態!愈唔開心你就愈使錢,唔知你自己覺唔覺呢?

第五位:白羊座
都幾奇怪,你話白羊大使咩?你又會見到佢在開倉日到搶賣平價貨。你話佢Cheap咩?佢又會在名店買個靚手袋玩下,咁即係點?即係小便宜佢好有興趣,但可以威俾人睇的貨色佢又一定要有份,有無錢剩,說到尾都是洗了出去,你話呢?

第六位:天蠍座
天蠍人有無窮的慾望,令到佢不停咁搵錢,因為咁他們先會認為自己叻,又亦都因為咁,搞到自己好易迷失,尤其是好鍾意搏命的心態,令到他們一生都會好大起大落!一句講晒,搵埋都唔夠蝕!

第七位:天秤座
天秤座的錢,好多時都會同體重成反比,即係當佢愈肥,佢就愈無錢,鬼咩!所有錢都用來跟朋友吃喝玩樂,你話邊有錢剩!學人投資,又三心兩意!別人叫佢買,佢又要諗,其他人離場,佢又慢人三拍,你話唔死有鬼!

第八位:水瓶座
財來財去都幾能形容水瓶人的心態,你會發現無論你點儲錢都好,最後都會將所有買盡心頭好!然後又無晒!之後又好快儲到,又好快洗完!不過你個心態又好瀟灑--做咩事喎,死後又帶不走,這樣的想法,沒話說,好正呀!

第九位:山羊座
工作絕對努力的山羊人,一分耕耘一分收穫!既然錢咁難搵,你話佢點會大使?仲有佢好識投資,視投資為一種藝術,嬴錢唔只嬴個一蚊一毫,最重要嬴技術!

第十位:處女座
缺乏安全感的人通常都會好為自己打算,處女人絕對係例子!又精打細算又有計劃,我的錢是我的錢,你的錢都是我的錢,所以同處女人交手,小心為上!不話話時話,佢真係好識投資!閒時可以叫佢俾俾意見!

第十一位:巨蟹座
巨蟹人很喜歡收藏,好多秘密,引申成為有很多收藏了的錢,俗稱「私己錢」,可想而知,點會無錢?他們做事謹慎,佢又幾多?對唔住,幾熟都不會向你透露!至於借錢,如果你同佢熟,佢又會借俾你喎,好正!

第十二位:金牛座
精打細算係金牛人的標誌,不過金牛人立場好堅定,只會用最安全最穩陣的方法去賺錢,好似定期存款、買基金,風險多一點的,他都不敢放肆,進取型絕對不是他,但儲錢絕對一流!有佢在身旁,肯定好放心!

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司