ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
邊個最有機會食搖頭丸?
呢排最有人氣的產品莫過於係搖頭丸,日日上報紙頭條,真係唔講得笑!原來星座學都講到俾你聽咩人最有機會食搖頭,不過「有機會」唔係講你知一定要食!神婆寶寶講真那句:人有自制能力,面對「搖頭誘惑」,一定要堅決識Say NO!

搖來搖去原來係你:

第一位:雙魚座96%
似夢迷離的感覺一向係雙魚人好嚮往的世界,他們誤以為食了搖頭丸就可以俾到佢他們呢份感覺,所以成日都會有個衝動想去試試,事實係唔係?梗係唔係啦,最後當醒番的時候,其實更加愈難接受添,所以千祈唔好試!

第二位:處女座89%
又有些人以為食了「搖頭」,可以減壓,好似處女座就係一例,他們平時神經緊張,多好事都睇唔開,所以要用藥物來調劑一下心情,不過實情係如果你食完之後個腦會更加麻痺,最後更加諗唔到東西,仲衰!

第三位:天蠍座80%
酒食財氣基本上天蠍人都好,爭在好多定好少,好呢樣定那樣,總之唔掂就真係好難!所以神婆勸你,手痕就唔該食煙食餅頂住,想飲酒就像梅酒,都會令身體健康好多的,如果唔係,真係命仔都短幾年呀!

第四位:巨蟹座75%
逃避是巨蟹人常做的事,只要有唔係好順佢意的事情發生,他們就會諗辦法走得愈遠愈好!有些人會喊一場就無事,但有些就會選擇搖頭,以為食了之後就可以暫時忘記不快事,其實件事一日未解決,件事一日都仲會存在!

試過諗住唔會死:

第一位:雙子座 88%
乜都夠膽食落肚的雙子人,講到尾都係貪玩貪新鮮,覺得人一世物一世,試試都唔會死,於是就係咁就有佢的第一次「搖頭經驗」,但你話叫佢一直食落去咩,除非有多款種類,否則好快就會再去試新事!

第二位:天秤座80%
只要俾人激兩激,話你唔夠膽試,又或者身邊的朋友個個都話好,天秤人就一定會跟大隊齊齊試,所以天秤人切記千祈唔好誤交損友,如果唔係效果都會好嚴重,須知其實你都幾受朋友影響的!

第三位:水瓶座65%
思想開放可能係你想試搖頭丸的心態,加上覺得自己好勁,食乜都絕對無事會影響到你,亦都可能係你想試一試的動機,但講真唔好羅條命來試,生命真係無Take Two,好自為之啦!

第四位:人馬座62%
人只可以活一次,所以甚麼都想試下的心情下,人馬人會選擇試一次咁多,咁佢又可以多個經驗同人分享,一講就可以俾佢講足一世,你話幾抵!不過神婆都要再三講句,有些事一世人,真係一次都唔好試!

話唔搖就唔搖係你:

第一位:金牛座88%
搖錢樹就會吸引到金牛人,但搖頭就真係唔適合佢!對他們來說講,生活有規律,愛靚得來又愛錢的他,點會使錢賣搖頭喎,加上佢份人實事求事,唔會以搖頭來減壓,或者信宗教、做瑜伽,可能更加適合佢心意!

第二位:獅子座80%
要減壓獅子人會同你講,我寧可去瘋狂購物,都唔寧可食搖頭!試想想搖頭的衰樣給人睇到,對於一向高貴的獅子人來講,你話點可以,所以「搖頭」呢個動作,都係留番睇住個銀碼而又唔夠錢的時候做好過!

第三位:白羊座70%
一個人減壓的方法有好多,白羊人唔開心可能會跳舞,但唔會搖頭,因為佢跳舞係因為佢要感受流汗的感覺,搖得頭來,佢根本享受唔到呢種咁正的感覺,咁可惜,你話佢點會做喎!

第四位:山羊座64%
山羊人其實都大壓力,但佢又幾享受呢種壓力,仲愈大壓力愈做得開心添!加上他們好明白地位同權力的重要,他們絕對唔容許一些好似搖頭咁的負面報導影響到他們的事業生涯,所以因小失大!山羊寧可繼續做,繼續做……沒完沒了。

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司