ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
鬧交風雲記!
呢排天氣熱,成日聽到些人鬧交鬧到七晒彩!無計,天頭慶,脾氣比較暴躁,所以好多時都忍唔住就同人「片」過,「片」都最尾,你估咩人最多俾人鬧,咩人最鍾意鬧人,一睇你就知!

撩人者賤指數:

第一位:白羊座92%
火爆o既白羊人,鬧交真係好有天份,總有o野撩到出o黎鬧,仲要鬧得o黎要有道具配合,例如花樽、碗碟總之都會隨住鬧人o既語句,一次過「車」埋人到,搞到人o地嚴重傷亡,所以見到白羊人發脾氣時,請退避三舍,以免意外發生。

第二位:獅子座80%
衝口而出通常係你致命o既原因!一睇到唔順眼,你就會亂o黎,鬧o左人先算,你可能講完就無事,但俾你鬧o個個就己經狗血淋頭,絕無翻身之日!仲要你鬧人時絕不留口,最後只會俾人話你得把聲,記得改善!

第三位:水瓶座72%
一向幽默感重o既你,講o野有時都幾刻薄,成日羅人o地o既避忌o黎當笑話講,你話幾乞人憎,仲要愈講愈興奮,直情口沬遮攔,駭鬼死人,!一句講晒,做人最好就係留有餘地,如果唔係橫屍街頭都唔知咩事!

第四位:雙子座65%
自命聰明絕頂,口齒伶俐o既雙子人,最鍾意玩o既就係急才,所以得罪人都唔知咩事,只係知道愈講愈興奮,愈講愈開心!知唔知你愈講,結果可能只會積怨愈深,所以記緊見好就收!唔好亂講o野!

企定來鬧指數:

第一位:天蠍座 80%
以不變應萬變o既天蠍人,最拿手就係「睇定o的先!」,所以無論人o地點樣鬧你,你都只會記晒上心!先人曰:「君子報仇,十年未晚!」咁樣鬧你,如果你唔記佢十年八年,你真係會同自己講,枉我係天蠍人呀!

第二位:處女座75%
面對鬧人場面,我講你知,你永遠係o個個依依哦哦,唔知自己想講咩o既人,最後你唯有企定定,無錢剩,俾人鬧到七晒彩!咁你就開心喇!知唔知衰咩,衰個腦唔轉得快咯,成日俾人食住就係咁解喇!

第三位:人馬座60%
你聽唔入耳,全因為人o地講咩,你都只係當耳邊風,根本就唔會聽入耳度,所以人o地點鬧你,你都只係笑一笑,然後咩都唔記得晒!再唔係就以「煩」功頂之!長長氣氣煩到你死!掉轉頭,可能煩到人o地唔敢唔再鬧你添!

第四位:金牛座55%
金牛人o既容忍到係全星座之冠,你可以忍無可忍,然後重新再忍,但忍到某一個程度,你會爆炸,而威力更加是無語倫比,所以比起之前o既星座,你依然令人有危機感,都係第四位算喇!

以和為貴指數:

第一位:天秤座90%
做和事佬最出名o既天秤人,你覺得人際關係係一件好重要o既事,而一段段好o既人際關係,係你一生都好想做o既一回事!所以你見到人鬧交,無論關唔關你事,你都會插手,希望世界和平,但講真,好多時都會因為咁死得不明百白o架,小心!

第二位:雙魚座87%
世界大同係你一世人o既願望,出名富有同情心o既你,最唔鍾意見到o的人打打殺殺,所以見到人鬧交,你最鍾意息事平人,不過有時又會偏激得滯,變成姑息,咁落去只會令人覺得你懦弱,知道無?

第三位:巨蟹座82%
家和萬事興,家衰口不停,所以你好怕人o地嘈交,一嘈你就心煩意亂,唔知點算好!所以人o地踩到上心口,你都只會叫人唔好咁,而唔會同人「開拖」,屋企有個咁o既和事佬,好多時真係可以化解到好多家庭糾紛!做社工最o岩!

第四位:山羊座80%
唔鬧交唔係因為你唔想鬧,而係因為你覺得講多無謂,搵錢最實際!你無之前三個星座咁偉大,對你o黎講,每個人都係朋友,都有機會搵錢,我做咩要搞到個個都係敵人,所以有咩勞氣,轉頭食o左佢,正!

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司