ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
邊個最易肥!
點解減極都咁肥?!呢句係神婆寶寶呢排成日都講o既一句話,亦都係聽到好多朋友講o既一句話,無計,夏天將至,人人都要瘦,邊個星座最易肥,邊個唔該忍忍口,一睇就知!

吸空氣都會肥指數:

第一位:巨蟹座95%
最喜歡留o係屋企o既巨蟹人,最鍾意做就係一手拿住包「口立濕」,一手o係到睇世界盃,唉!加上唔鍾意浪費o既性格,通常見到檯面有o野食剩,佢就會忍唔住話不如打包啦!打包番屋企再食過,你話唔肥,就真係有鬼喇!

第二位:雙魚座85%
本身形態已經比較肥o既雙魚人,一生出o黎就要面對「肥」呢個大問題,真係令人感慨!再加上你o既自制能力低,通常都會話食一條薯條,唔覺o既,又幾唔覺,得你自己話唔覺咯!God bless you喇!

第三位:天秤座70%
出名懶又怕辛苦o既天秤人,細細個未知死,一到中年必定發福,梗係啦,食o野唔知飽,除非你份工要見人,除非你本身好靚仔/女,否則通常都會因壓力大而搞到暴飲暴食,不過有時你都會發癲,走去試下o的新減肥方法,希望幫到你啦!

第四位:獅子座75%
太多朋友所以累事,太多飯局更加累事,所以如果你想減肥,唔好諗,一定要同成班人一齊減,否則孤軍作戰,最後你都係放棄然後同o的fan一齊食o左先算!再加上你又幾鍾意飲番兩杯,你話咁係咪好危險? 

乞人憎話咁快就瘦指數:

第一位:白羊座 92%
無窮o既鬥志好多時都係減肥o既必需品,白羊人唔衰得o既性格,要佢減佢一定減到!而最有效令佢減磅o既方法,竟然係口號,即係「我要減肥!」,「我要萬人迷!」將呢o的口號貼o係牆,肯定有用!

第二位:人馬座85%
人馬座坐唔定o既性格,令佢食幾多好多時都可以消耗o左出o黎,所以好多時雖然你見到人馬人不停食,又唔戒口,但係身型都無咩影響,要講o既就係個PATPAT比較大,所以呢家o野要小心呀!

第三位:金牛座70%
金牛座出名鍾意食,你o地一定以為佢最易肥!佢係就係鍾意食,但食得o黎都好有節制,再加上佢o地有個本事話唔食就唔食,只要佢立定目標,加上鍾意靚o既性格,佢點都唔會俾自己去得太過份o既!

第四位:天蠍座65%
天蠍人其實係一個好「勁」o既星座,咩都係走極端,一唔係就唔做,一做就要做得最好!所以當佢覺得自己已經到o左極限肥o既時候,佢真係夠膽死唔食,係一o的都唔食,直至瘦番為止,你話呢種人,有得幾肥喎!

食極唔肥唔係人指數:

第一位:處女座98%
「壓力對一個人有時都有正面o既作用」呢句說話,對處女人o黎講,真係最貼題,佢o地太大壓力,成日左思右想,所以食極都唔吸收,睇住o的處女朋友食極都咁瘦,真係有o的想殺死佢!

第二位:雙子座90%
呢o的又係唔恨得咁多,雙子人一出世就好瘦,除非佢o既其中一個嗜好係食o野,否則佢o地都係油浸都唔肥o既,加上佢o地又好鍾意運動,好多時多餘o既卡路里都俾佢o地走下行下咁就走晒咯!

第三位:山羊座85%
出名做事有計畫o既山羊人,只要佢定下目標,佢一定會做到!鬼咩,佢o既持久力同耐力係眾星之冠,不過通常你又會覺得佢o地好似好大隻,係呀!係大隻o架,因為佢o地骨架大嘛,所以點瘦都好唔係好覺咁咯!

第四位:水瓶座70%
有o的星座一出世就唔使點減,水瓶人就係其中一種,雖然係咁,但你仍然會聽到好多水瓶人成日都話要減肥,仲要係愈刁鑽o既方法佢就愈想試,最怕就係自己個血液循環系統唔係咁好,好易減出禍o架!

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司