ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
邊個最有機會做明星?
今回又係徇眾要求,原來好多神童都有發明星夢o既習慣,好多人都問我咩星座最有機會做明星,查實明星唔易做,好似一句家常話話齋,風光背後,有幾多血淚史,真係多到你數唔晒!但既然大家咁有興趣,不如又睇一睇呢……!

我天生就係明星:

第一位:獅子座95%
天生唔做明星,都唔知應該可以做咩?唔一定o係樂壇或者娛樂圈,就算係身邊o既朋友或者係同學,都會發現你好萬人迷,因為你確實有份魅力令人好想望多你兩眼,又或好有領導能力令人望而生畏。

第二位:雙子座89%
性格多變o既你,係就係好情緒化,但對於演戲o黎講,呢個直情係優點,因為你可以以唔同o既性格,配合到唔同角色o既需要,呢樣o野唔係咁易o架,都要有番咁上下功力先得,你底厚,所以成功機會都易好多!

第三位:天秤座80%
做明星除o左天份,最緊要有人緣。以天秤人o既性格,呢方面直情難唔到你,加上天秤人通常都係靚仔靚女較多,年紀愈大魅力愈厲害。試諗下內與外兼備,咁o既質數,你話唔紅都幾難!

第四位:處女座75%
處女人出名挑通眼眉,有o的人可能覺得佢細心眼,但就係因為呢種細心眼,令你好能留意到身邊o既人o既小動作,對於做戲o黎講,呢方面都好重要。另外,你好憤世嫉俗,而呢種咁o既態度,會令你容易有創作靈感添!

天生要做二打六:

第一位:水瓶座 88%
你會鍾意演戲,但你太信自己o既一套,但呢套又係唔係人人都鍾意呢?所以你好有可能要用好多時間o黎令到大家適應你o既o個一套演技方法,所以好長時期都會係屬意做二打六角色,等o下!

第二位:人馬座78%
你喜歡遊戲人間,所以玩娛樂圈呢個世界真係有排玩,由於你個心都係諗住遊戲一場,所以鬥心唔係咁高,總之有份工俾你玩下開心下就已經好開心,你無諗過做天王巨星,但係爆鐘o既藝人相信唔會走得甩!

第三位:天蠍座75%
你愈要去到某個年齡,你先至會有某種魅力散發得殺死人!所以你要o係娛樂圈浸好多年,你先會有機會發達,所以行行企企o既角色你要做,仲要做好耐添,所以忍得就忍,唔忍得不如轉行。

第四位:雙魚座70%
你個人藝術感好高,又好有創意,適合做明星,但可惜你唔識計數,同埋心腸軟,好易俾人呃,所以如果你可以搵到個好o既經理人幫你,你都可以唔使做二打六o既,否則都有排你受,有排你推呀!

天生最好做觀眾:

第一位:白羊座85%
做明星最緊要識做人,但以白羊座o既性格,有o個句講o個句,所以好容易得罪人多稱呼人少,講o野又硬到死,慌插唔死人咁,呢樣o野一定要檢討,加上佢o地o既持久力唔夠, 做藝人唔可以咁曇花一現,呢樣都要留意!

第二位:巨蟹座83%
巨蟹座係一個好唔識表達o既星座,佢o地俾人o既感覺好內歛,要o答好耐先至有味,所以,一不就係要捱好耐,一不就係寧可做保姆,繼而走去照顧人,可能發展o既機會會更加大,更加好!

第三位:山羊座80%
山羊人最鍾意自己做自己o野,所以唔係好o岩入呢個好需要應酬o既行業堶情A就算真係入娛樂圈,佢都會係較為適合做幕後或者製作方面o既o野,咁就唔使對住人,直情做個實而不華o既實力派。

第四位:金牛座70%
金牛人最鍾意就係享受生活,要佢將生活變成反顛覆地,佢會有種你俾我死啦o既感覺,但呢個圈就係假期你都坐o係到,又真係會俾人笑,所以除非你做藝術家,純粹為興趣,唔理食粥定食飯,咁你都有機會掂o架!

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司