ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
邊個有自殺傾向?
呢排個市唔好,成日都有人睇唔開,走去自尋短見,於是又有人搞o左個「生命天使」夠下世人。原來星座之中,真係有o的人好大機會走死,又有o的人真係生出o黎,鍾意做救世主救下人,邊個打邊個,一睇就知道!

自殺高企指數:

第一位:雙魚座90%
怪只怪雙魚人實在太愛幻想,太感情豐富,好多事未發生就已經俾佢諗到大結局,而結局好多時又會係「羅密歐與茱麗葉式」,即係死得人多格,所以諗埋一邊o既機會比較多,記住放開心情,咁就唔會咁易出事。

第二位:巨蟹座75%
巨蟹人出名情緒化,所以有咩風吹草動,佢都會喊生喊死!其實發洩o既方法都有好多種,好似喊啦,喊晒o的眼淚出o黎可能就會開心好多,再唔係同人傾討心事,都係一個好方法!

第三位:金牛座65%
金牛人雖然出名忍功厲害,但遇到阻折o既時候,好多時就會鑽o左牛角尖,番唔到轉頭,最大鑊仲係你o地有o的自毀o既傾向,玩割脈,見到o的血澎澎聲咁流,你都唔知幾high,不過身邊o既人就駭到半死喇!

第四位:處女座60%
唔敢面對現實係處人常見o既問題,佢o地最鍾意逃避,當睇唔到聽唔到就最開心,但去到佢認為o既盡頭o既時候,好多時就會睇唔開,一死以逃避現實生活中o既所有事,記住,世界咁大,大把o野玩,唔使死o架!

明天會更好指數:

第一位:白羊座 90%
積極樂觀o既白羊人,無論遇到咩挫折都好,都會三分鐘之後唔記得,然後再次積極面對,要打沉白羊人,其實都幾難,因為都無咩可以擊倒佢,除非係佢自己唔振作,否則外面o既o野都唔關佢事。

第二位:雙子座80%
對雙子人o黎講,人生係要有風浪先至似係人生,如果悶戲一場,反而佢會唔知點算,所以面對困境,佢o地o既態度會比較積極,至少試o左錯o左o岩o左都係一個經驗嘛,要佢死,佢會答你,未玩夠,點寫得死?

第三位:水瓶座75%
水瓶人一向充滿理想,雖然佢o地個口唔會點講,但係佢o地永遠覺得社會充滿希望,所以好少水瓶人會諗到死呢樣o野,加上佢個人其實好獨來獨往,無咩可以令佢o地o既情緒去到咁動蕩,所以自殺呢樣o野,無佢份啦!

第四位:山羊座60%
實事求事o既山羊人,相信希望在人間,明天會更好,只要努力,無o野係唔得o既,更加覺得有危先有機,所以有咩事,佢o地都能夠沉著應戰,務求做到最好,呢種人,大家應該視佢為生命偶像啦!

生命天使指數:

第一位:天秤座80%
鍾意做和事佬o既天秤人,最驚見到人唔開心,所以見到身邊o既朋友唔高興,佢會用盡方法開解佢,身為「生命天使」最緊要就係有愛心,以佢咁鍾意世界和平,呢個位最o岩你做!

第二位:人馬座75%
充滿理想同樂觀性格o既人馬人,最緊要係開心,所以有咩事去個旅行咩都唔記得晒!再加上佢o地出名長氣,要佢去開解人,了解人需要,佢真係手到拿來,個人頑石不靈,佢愈係開心,因為佢夠耐性嘛!

第三位:天蠍座70%
講耐性天蠍人數一數二,你要搵個傾訴對象,天蠍人一定係首選,佢o地仲會好細心咁同你分析同開解你o既需要,再加上佢o地個口密,你講o左俾佢知o既o野,佢一定會收埋唔講人知,你話幾好呢!

第四位:獅子座60%
講義氣,獅子人一定係首選,所以有咩唔開心,佢o地幾忙都好,都會抽時間出o黎陪你,咁o既朋友記得錫住!佢好鍾意做好人,又有愛心,所以做「生命天使」,o岩晒佢個Feel!

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司