ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
世界盃篇
角色扮演世界盃篇,睇完之後,就知你係俾人out出局,定係玩到散場捧盃o個喇!

紅牌出場指數:

第一位:白羊座99%
衝動派掌門人白羊人,其實係一個一等一o既體育界中堅份子!因為佢o地o既爆炸力好鬼驚人,尤其是短跑就更加厲害!但面對九十分鐘o既世界盃,佢就好快忍唔住頸,然後同對手炒鑊勁o既,紅牌?放心,一定係你o既!

第二位:人馬座90%
不負責任懶有衝勁o既人馬人,通常最後就由衝勁變成衝撞,再加上佢o地好多時做o野都唔理人感受,又鍾意獨斷獨行唔理其他人,踢波呢家o野,講o既係團結精神,就算對手咪開始唔妥你,可能戰友首先唔妥你喇!

第三位:獅子座88%

火爆見稱o既獅子人,唔夠兩句就會同人先而開口,繼而動手,你話紅牌通常俾咩人?就係俾呢o的咁惡o既人。身為佢o既對手,小心身體之餘,記得小心俾佢問候埋你老母!你知呢o的人講o既唔收口o架!

第四位:雙魚座71%

雙魚人出名慢,咁慢o既人加上成日發夢,個波飛到埋o黎都唔識諗辦法整走佢,你話呢o的人係唔係應該即刻俾人飛出局呀?所以都係留o係屋企做觀眾會開心多好多!

守龍門企位指數:

第一位:雙子座96%
守龍門o個個最緊要係身手敏捷夠靈活,雙子人呢方面簡直係天才,所以守龍門o既時候,分分鐘撲波o既時候,仲會玩多兩個花式,娛樂實用都包保贏滿分,對於身為觀眾o既我o地o黎講,當然就更加睇得開心又放心!

第二位:天蠍座95%
面對洞察力同分析力都係爆燈o既天蠍人,你想o係佢面前玩花臣,真係等如玩膽搏謄!只要要勾勾腳指尾,佢o地就會諗到下一步你想點做!再加上守龍門係一個比較獨立o既位置,以佢一向獨行俠o既角色,咁就更加o岩佢喇!

三位:巨蟹座90%
心思細密o既巨蟹人,好多時都能夠估到對手想做咩,另外,o係賽事之前,佢o地更加會熟讀對方o既優缺點,所以當咩人射波,用咩技巧,佢o地都會諗到應對招數,不過,撲唔撲得切個波就後話!

第四位:天秤座65%
整個世界盃之中,其實最o岩天秤人做o既位,應該係旁述,因為佢o地一定可以令你聽出耳油,但o係個場到要佢搵個位企,守龍門都係佢o既強項,至少保衛家園,好多時都係佢能力可以做到o既o野o黎o既!

問鼎冠軍指數:

第一位:山羊座90%
「一唔係唔落場,一落場就一定要贏!」係佢o地o既口頭禪,所以佢o地會用唔同o既方法,令佢o地可以無論面對任何對手,都能夠度到一套秘技對疊,再加上佢o地好勤力,成 日都練練練,你話點會輸喎!

第二位:處女座88%
有計劃行事係處女人出晒名o既!o係一場球賽堶情A除o左要有無限量o既爆炸力同行動力之外,兵法都好重要,你估淨係得鋪牛力就可以贏到世界盃o架?有時都要識食腦,咁先先可以百戰百勝o架!

第三位:金牛座85%

沉著應戰,忍耐力勁到無輪o既金牛人,無論o係咩惡劣環境之下,都唔會影響到佢o既表現,點解?因為佢「忍」得咯!對手點差,天氣幾壞,佢都會當睇唔到,向住佢o既目標進發,咁o既人,你話贏面點會唔高!

第四位:水瓶座82%
鬖b人人平等,以體育精神第一,比賽第二掛帥o既「世界盃」堶情A水瓶人雖然想贏,但贏得o黎佢都要好有光彩,正所謂「行得正,企得正」先得,用「拿渣」手段贏人,佢寧可冠軍係第二個喇!

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司