ariestaurusgeminicancerleovirgolibrascorpiosagcapaquariuspisces
home
如何看這個網
2002總運向
Ma-Li Ma-Li每月運向
神婆星座排行榜
神婆魔法靈咒
神童學堂
神婆星話一句句
神婆拉你做個媒
神童問卜占星事
神童投票排行榜
絕對私有篇
網上訂購慳$13
神婆靈丹洞
踢神童入會
名人口中的神婆
有關神婆家族
請給神婆多一點神話
神婆寶寶聊天室
 
邊個今世有機同性愛?
自從有個網之後,好多神童都會在網上的留言板到問問題,對於某些題目,他們都不約而同咁問我,好似今次個題目,就係大家詢眾要求來度的,既然大家對自己的性取向咁有興趣,咁今勻就同大家講講呢個性的疑惑,第日有些甚麼你們有興趣的,不妨在個網到講我知啦!

今世試下愛同性:

第一位:天蠍座90%
同性戀對於某些衛道之士來說,係一個好好好唔容許的一種關係,而天蠍人天生就係鍾意逆天而行,他們又鍾意秘密戀情,同性愛有幾多個夠膽走出來同人講話佢是一份子,所以呢種關係o岩晒佢!

第二位:雙魚座85%
出名多情的雙魚人,無論對同性定異性,都係抱住開放政策,總之有feel就得喇!加上他們好敏感又愛發夢,對於被人抗拒的同性戀情,他們都唔知覺得幾浪漫,最驚係你唔肯俾佢繼續發呢個夢咋!

第三位:處女座84%
同性戀某個程度係自戀的反射,你們會覺得異性無一個襯得到你,而同性反而可以搵到個同自己差唔多的人(當然無自己咁好),既然唔想孤獨終老,於是搵個同自己差唔多樣的人一齊,都算係一個唔錯的選擇。

第四位:金牛座78%

在一段關係堶情A金牛人最重視就係大家在性同愛的關係,缺一不可!他們最緊要係心靈上的滿足,然後先至會再講肉體上的滿足。甚麼人最有機會了解佢呢?咁當然係自已性別的人啦──佢諗!

今世想試下雙性:

第一位:水瓶座 88%
世界大同一直係水瓶人的心願,所以佢會奉行如果我愛一個人,我就唔會係男定女,總之係好人,我都會鍾意。他們的性好開通,唔會理咩避忌、咩嚴禁,對他們來說,咩都好,我話事!

第二位:雙子座85%
一向都唔係好知自己想點的雙子人,在愛情方面都係一樣,他們就算對自己的感覺都會有些懷疑。「係唔係呢?我係唔係咁o既人呢?」。但在未諗到之前,他們就已經因為貪得意而開始了!

第三位:天秤座80%
天秤人最鍾意就係溝通同平衡,所以咩都要試下,咁他們先至知道咩係好咩係唔好,再加上個人無咩主見,如果有人主動撩佢,可能佢o地一撩就會著,以前呢o的就係叫「愛情」,既然唔死得人,咁梗係試下啦!

第四位:人馬座70%
人馬人出名愛冒險、愛得大膽、愛得激烈、愛得自由,要佢o係愛情中淨係愛上一種人,佢會覺得呢個係一個困局,係縛住佢o既愛的態度。咁做法簡直有為佢愛人o既宗旨,所以只要佢真係愛上,佢就會全力去馬。

今世只會愛異性:

第一位:獅子座80%
獅子座係一個好大男人o既星座,佢o地好憎o的女人同佢o地爭o野做。佢覺得女人應該俾人照顧,男人就應該負責照顧,如果兩樣o野都係一方做晒,咁佢o地愛o黎做咩,所以要見親就打!

二位:白羊座85%
白羊座天生就好容易吸引異性,再加上都幾風流多情,所以單係理異性o既感情問題可能都夠佢傷透腦筋,再加上佢異性緣太過好,所以同性對佢o既態度會係覺得佢好乞人憎,幾憎?至少唔愛就夠喇!

第三位:巨蟹座82%
巨蟹人出名愛家庭,愛細路,再加上保護意識好強,就算佢真係愛上一個同性,佢都唔會俾人知,連o個個當時人都唔知,免得被人傷害或取笑。o係咁o既枷鎖之下,可能佢一世都唔知咩叫做真愛。

第四位:山羊座76%
最傳統o既山羊人,咩叫同性戀?呸!我o地o的祖先以前邊有呢科o野?一夫一妻制係自在必行,點可以俾你o地搞亂個檔攤。所以對山羊人o黎講,同性唔只少愛,仲會有o的抗拒,唔好行埋o黎呀!

返回神婆星座排行榜主頁

Copyright (C) 2002 astropopo.com All Rights Reserved 著作權所有 神婆寶寶-星之宮殿 尊重智慧財產權 請勿任意轉載
Powered by
AB Creative Depot Limited 二甲前座有限公司